Kabanata 1 ANG ILAN SA MGA PATOTOO HINGGIL SA KATOTOHANAN NG ISLAM 37 ANG MAIKLING PAGLALARAWAN NG PAMAMATNUBAY TUNGO SA PAG-UNAWA SA ISLAM (6) Ang Simpleng Buhay ni Muhammad Kung ating ihahambing ang buhay ni Muhammad bago dumating ang kanyang misyon bilang isang propeta at ang kanyang buhay pagkatapos niyang nagsimula sa kanyang misyon bilang propeta, ating maipapasiya na ito’y lagpas sa katwiran na isiping si Muhammad ay isang bulaang propeta, na umangkin ng pagkapropeta upang makamit lamang ang mga materyal, katanyagan, kadakilaan o kapangyarihan. Bago pa ang kanyang misyon bilang propeta, si Muhammad ay walang pag-aalala sa salapi. Bilang matagumpay at kilalang mangangalakal, si Muhammad ay kumikita ng kasiya-siya at maginhawang tubo. Pagkatapos ng kanyang misyon bilang propeta at dahil dito, siya ay naging hirap sa mga pangangailangan. Upang higit na maliwanag, tunghayan natin ang mga sumusunod na salawikain hinggil sa kanyang buhay: § Si Aa’isha, asawa ni Muhammad , ay nagsabi, “O aking pamangkin, makikita natin ang tatlong bagong buwan sa loob ng dalawang buwan na hindi man lang nakapagpadingas ng apoy (nakapagluto ng pagkain) sa bahay ng Propeta . Ang kanyang pamangkin ay nagtanong, “O aking tiya, ano ang inyong kinakain? Sinabi niya, “Ang dalawang maiitim na bagay, mga Tamar at tubig, subali’t ang Propeta ay may mga kapitbahay na mga Ansar na may mga inahing kamelyo na ginagatasan at nakaugalian nilang magbigay ng gatas sa Propeta .1 § Si Sahl Ibn Sa’ad, isa sa mga kasamahan ni Muhammad ay nagsabi, ang Propeta ng Allah, ay di-nakakita ng tinapay na gawa mula sa pinong harina simula nang siya’y isugo ng Allah (bilang propeta) hanggang siya’y mamatay.”2 § Si Amr Ibn Al-Hareth, isa sa mga kasamahan ni Muhammad ay nagsabi nang mamatay ang Propeta , siya’y hindi nakaiwan ng salapi o anupamang bagay maliban sa isang puting mola, armas at isang lupa para sa kawanggawa.3 Si Muhammad ay namuhay na mahirap hanggang sa kanyang kamatayan, bagama’t ang kayamanan ng mga Muslim ay nasa kanyang kapangyarihan at kapasiyahan, ang pinakamalaking bahagi ng Tangway ng Arabia ay mga Muslim bago siya namatay, at ang mga Muslim ay mapanagumpay pagkatapos ng labingwalong taon ng kanyang misyon. Posible kayang inangkin ni Muhammad ang pagkapropeta upang makamtan lamang ang mataas na kalagayan, kadakilaan, o kapangyarihan? 1 Iniulat sa Saheeh Muslim, #2972, at sa Saheeh Al-Bukhari, #567. 2 Iniulat sa Saheh Al-Bukhari #5413, at Al-Tirmizi, #2364. 3 Iniulat sa Saheeh Al-Bukhari, #2739 at sa Mosnad Ahmad, #17990. (6) Ang Simpleng Buhay ni Muhammad
RkJQdWJsaXNoZXIy MTUxNjQ1