38 Kabanata 1 ANG ILAN SA MGA PATOTOO HINGGIL SA KATOTOHANAN NG ISLAM ANG MAIKLING PAGLALARAWAN NG PAMAMATNUBAY TUNGO SA PAG-UNAWA SA ISLAM Ang pagnanais na matamasa ang mataas na kalagayan at kapangyarihan ay pangkaraniwang nasasamahan ng marangyang pagkain, magagarang mga damit, malalaking palasyo, mga guwardiya at di-matutulang kapangyarihan. Ang mga palatandaan bang ito ay makikita kay Muhammad ? Ang ilang maikling sulyap sa kanyang buhay ay maaaring makatulong sa pagsagot sa mga sumusunod na katanungan. Sa kabila ng kanyang mga tungkulin bilang propeta, maestro, estadista, at hukom, si Muhammad ay karaniwang naggagatas ng kanyang kambing1, inaayos (nililinis) ang kanyang mga damit, inaayos ang kanyang sapatos2, tumutulong sa gawaing pambahay3, at binibisita ang mga taong mahihirap kung sila ay may mga sakit.4 Tumulong din siya sa kanyang mga kasamahan sa paghukay ng bambang sa pamamagitan ng paghakot ng buhangin.5 Ang kanyang buhay ay isang kahanga-hangang modelo sa pagkasimple at pagkamababang-loob. Minamahal si Muhammad ng kanyang mga tagasunod, nirerespeto at pinagkakatiwalaan nang lubos. Gayon man, lagi niyang idinidiin na ang pagsamba ay kailangang iukol lamang sa Allah at hindi sa kanya. Si Anas, isa sa mga kasamahan ni Muhammad , ay nagsabi na walang ibang tao ang minamahal nila nang higit kay Propeta Muhammad , gayon pa man, kapag siya ay pumupunta sa kanila, hindi sila tumatayo dahil siya’y nagagalit kapag sila ay tumatayo para sa kanya, tulad ng ginagawa ng ibang tao sa kanilang mga malalaking panauhin.6 Bago pa man ang inaasahang tagumpay ng Islam at sa simula pa lamang ng mahabang panahon ng matinding pasakit at labis na pagpapahirap, pagdurusa, at pagmamalupit kay Muhammad at sa kanyang mga kasamahan, nakatanggap na siya ng kawili-wiling alok. Ang sugo ng mga pinunong pagano na si Otba, ay pumaroon sa kanya at nagsabi, “…Kung gusto mo ng salapi, lilikom kami ng salapi para sa iyo upang ikaw ay maging pinakamayaman sa amin. Kung gusto mong maging pinuno, tatanghalin ka namin bilang aming pinuno at kailanma’y hindi kami magpapasiya na wala ang iyong pahintulot. Kung gusto mo ng kaharian, ay gagawin ka namin bilang aming hari.…” Isang pagpapahinuhod lamang ang kailangan kay Muhammad bilang kapalit ng mga ito, na kanyang iwanan ang pagtawag sa mga tao sa Islam at sa pagsamba sa Nag-iisang Allah na walang katambal. Hindi ba ang alok na ito ay nakatutukso sa isang naghahanap ng makamundong pakinabang? 1 Iniulat sa Mosnad Ahmad, #25662. 2 Iniulat sa Saheeh Al-Bukhari, #676, at sa Mosnad Ahmand, #25517. 3 Iniulat sa Saheeh Al-Bukhari #676, at sa Mosnad Ahmad, #23706. 4 Iniulat sa Mowatta’ Malek, #531 5 Iniulat sa Saheeh Al-Bukhari, #3034, at sa Saheeh Muslim, #1803, at sa Mosnad Ahmad, #18017. 6 Iniulat sa Mosnad Ahmad, #12117, at sa Al-Tirmizi, #2754. (6) Ang Simpleng Buhay ni Muhammad
RkJQdWJsaXNoZXIy MTUxNjQ1