48 ANG MAIKLING PAGLALARAWAN NG PAMAMATNUBAY TUNGO SA PAG-UNAWA SA ISLAM 3) Paniniwala sa mga Aklat na Ipinahayag ng Allah: Ang mga Muslim ay naniniwala na ang Allah ay nagpahayag ng mga aklat sa Kanyang mga sugo bilang katibayan sa sangkatauhan at bilang patnubay sa kanila. Isa sa mga aklat na ito ay ang Qur’an, na ipinahayag kay Propeta Muhammad . Siniguro ng Allah ang pagkalinga sa Qur’an mula sa anumang katiwalian o kabaluktutan. Sinabi ng Allah: Katotohanan, Kami, Kami ang nagpahayag ng Dhikr (Ang Qur’an), at katiyakan Amin itong pangangalagaan (mula sa anumang katiwalian). (Qur’an, 15:9) 4) Paniniwala sa mga Propeta at Sugo ng Allah: Ang mga Muslim ay naniniwala sa mga propeta at sugo ng Allah, simula kay Adan (Adam), kasama sila Noah (Nuh), Abraham (Ibrahim), Ismael (Ishmael), Isaac (Ishaq), Jacob (Yakub), Moises (Musa), at Jesus (Issa) (mapasakanila nawa ang kapayapaan). Datapwa’t ang pangwakas na mensahe sa tao, ang muling pagpapatotoo sa walanghanggang mensahe, ay ipinahayag kay Propeta Muhammad . Ang mga Muslim ay naniniwala na si Muhammad , ay huling propetang isinugo ng Allah, gaya sa sinabi ng Allah: Si Muhammad ay hindi ama ng sinuman sa inyong mga kalalakihan, subali’t siya ay Sugo ng Allah at ang pinakahuli sa mga propeta. (Qur’an, 33:40) Ang mga Muslim ay naniniwala na ang lahat ng mga propeta at mga sugo ay mga nilikhang tao na walang taglay na pagkadiyos. 5) Paniniwala sa Araw ng Paghuhukom: Ang mga Muslim ay naniniwala sa Araw ng Paghuhukom (Araw ng Muling Pagkabuhay) na ang lahat ng mga tao ay mabubuhay muli para sa paghuhukom ng Allah sang-ayon sa kanilang mga paniniwala at mga gawa. 6) Paniniwala sa Al-Qadar (Tadhana): Ang mga Muslim ay naniniwala sa Al-Qadar (tadhana) na itinakda ng Allah, subali’t ang paniniwala sa tadhana ay di-nangangahulugan na walang kalayaan ang mga tao. Bagkus, ang mga Muslim ay naniniwala na binigyan ng Allah ang tao ng kalayang pumili. Ito ay nangangahulugan na malaya silang pumili sa tama (mabuti) o mali (masama) at sila’y Ilan sa mga Pangunahing Paniniwala sa Islam
RkJQdWJsaXNoZXIy MTUxNjQ1