65 ANG MAIKLING PAGLALARAWAN NG PAMAMATNUBAY TUNGO SA PAG-UNAWA SA ISLAM ng Muslim ay umabot sa katandaan, sila ay pinakikitunguhan nang may awa, kabaitan at pagmamahal. Sa Islam, ang paglilingkod sa kanyang mga magulang ay pumapangalawa sa pagdarasal, at kanilang karapatang asahan ito. Itinuturing na kamuhi-muhi ang magpakita ng pagkayamot, sa mga kasalanang hindi nila ninanais, dulot ng hirap sa pagtanda. Sinabi ng Allah: Ang iyong Panginoon ay nag-utos na wala kang dapat na sambahin maliban sa Kanya, at maging mabait sa iyong mga magulang. Kapag ang isa sa kanila o kapwa silang dalawa ay umabot sa katandaan sa iyong buhay, huwang magsalita nang walang paggalang, o pagalitan sila, bagkus mangusap sa kanila sa paraang marangal. At ibaba sa kanila ang diwa ng kababaangloob sa pamamagitan ng habag, at magsabi, “O aking Panginoon, igawad Mo po sa kanila ang Iyong Habag sapagka’t sila ang nangalaga sa akin noong ako ay maliit pa lamang.” (Qur’an, 17:23-24) Ano ang Limang Haligi ng Islam? Ang Limang Haligi ng Islam ay kabuuan ng buhay ng Muslim. Ang mga ito ay ang pagsaksi ng paniniwala, pagdarasal, pagbibigay ng Zakat (tulong sa mga nangangailangan o mahihirap), pag-aayuno sa buwan ng Ramadan, at peregrinasyon sa Makkah nang minsan sa buhay ng isang Muslim na may kakayahang gumanap nito. 1) Ang Pagsaksi sa Pananampalataya: Ang pagsaksi sa pananampalataya ay isang pagbigkas ng “La ilaha illa Allah, Muhammadur rasoolu Allah nang may pananalig. Ang pahayag na ito ay nangangahulugan ng, “Walang ibang tunay na Diyos maliban sa Allah1, at si Muhammad ay Sugo (Propeta) ng Allah.” Ang unang bahagi, “Walang tunay na Diyos maliban sa Allah,” ay nangangahulugan na walang sinuman ang may karapatan sambahin maliban lamang sa Allah, at ang Allah ay walang katambal o anak. Ang pagsasaksing ito ay tinawag na Shahada, isang simpleng paraan na kailangang sabihin nang may katapatan upang makapasok sa Islam (gaya ng pagkakahulugan sa pahina 65-66). Ang pagsaksing ito ang pinakamahalaga sa mga haligi ng Islam. 1 Para sa karagdagang detalye tungkol sa salitang Allah, tingnan ang pahina 47 Ano ang Limang Haligi ng Islam?
RkJQdWJsaXNoZXIy MTUxNjQ1